Միջոցառումներ
ԱՄՆ-ում սովորելու կրթական հնարավորություններ
3:00pm 04.03.2009
2009 թ-ի մարտի 4-ին Գյումրիի ամերիկյան անկյունը հյուրընկալեց մի խումբ ամերիկյան կրթական և մշակութային ոլորտի ներկայացուցիչների, որոնց թվում էին նաև ԱՄՆ դեսպանատան Հասարակայնության հետ կապերի բաժնի փոխտնօրեն Սյուզան Բրայդենստայնը և Հայաստանում Ամերիկյան խորհուրդների տնօրեն Էլվիրա Դանան: Եվրասիայի տարածքային կրթական խորհրդատվական կենտրոնների համակարգող Աննա Մերիլը դասախոսություն կարդաց «Կրթական հնարավորությունները Միացյալ Նահանգներում» թեմայով:
Նախքան տիկին Մերիլի ելույթը ներկաների համար ցուցադրվեց ամերիկյան համայնքային քոլեջների և համալսարանների մասին պատմող մի ֆիլմ: Մասնակիցները սովորեցին համալսարաններ դիմելու կարգի մասին: Ֆիլմի դիտումից հետո քննարկում ծավալվեց հյուրերի և հանդիպման մասնակիցների միջև: Մասնակիցները հետաքրքրված էին համալսարաններ դիմելու կարգի, արտաուսումնական գործունեության, ինչպես նաև միջազգային ուսանողների համար ֆինանսական օգնության հնարավորությունների մասին:
Հյուրերը ներկաներին խրախուսեցին դիմել ամերիկյան համայնքային քոլեջներ և համալսարաններ, և մասնավորապես նշեցին, որ Երևանի կրթական-խորհրդատվական կենտրոնը տրամադրում է հավաստի տեղեկատվություն ամերիկյան կրթական հնարավորությունների մասին: 20 ուսանողներ տարբեր համալսարաններից մասնակցեցին դասախոսությանը:
Լուսանկարներ
ԱՄՆ-ում սովորելու կրթական հնարավորություններ
ԱՄՆ-ում սովորելու կրթական հնարավորություններ
Այլ Անկյուններում
| 24.08.2010 1:30pm | Չորս դասախոսություն Ամերիկյան Անկյունում 2010 թ.-ի օգոստոսի 24, 26, 31-ին և սեպտեմբերի 2-ին Ամերիկյան անկյունում կանցկացվի չորս դասախոսություն հետևյալ թեմաներով՝ «Ինչպես լրացնել հայտը», «Ինչպես գրել դիմումը», «Ինչպես պատրաստվել միջազգային թեսթերին (TOEFL,GRE, GMAT, SAT)», և «Ինչպես անցնել հարցազրույցը»: |
| 06.08.2010 3:00pm | Անգլերենի ուղղագրության մրցույթ 2010թ. օգոստոսի 6-ին, ժամը 15:00-ին Կապանի ամերիկյան անկյունը դպրոցականների համար կազմակերպեց ուղղագրության մրցույթ անգլերենի միջակ իմացությամբ մասնակիցների համար` Սփելինգ Բի անվանումով: |
| 05.08.2010 11:00am | Անգլերենի ուղղագրության մրցույթ սկսնակների համար 2010թ. օգոստոսի 6-ին, ժամը 11:00-ին Կապանի ամերիկյան անկյունը դպրոցականների համար կազմակերպեց անգլերենի ուղղագրության մրցույթ: |
| 08.07.2010 3:00pm | Կյանքը ԱՄՆ-ում Հուլիսի 8-ին, ժամը 15:00-ին Կապանի ամերիկյան անկյունում տեղի ունեցավ "Հայերը ամերիկյան անկյունում" շարքի հրապարակային դասախոսություն “Կյանքը ԱՄՆ-ում” թեմայով : |