Միջոցառումներ
Միջազգային ուսանողական ֆորում
2:00pm 30.03.2009
2009 թ-ի մարտի 30-ին Գյումրու ամերիկյան անկյունը հյուրընկալեց Վանաձորի «Կարողություն և զարգացում հանուն քաղաքացիական հասարակության» հասարակական կազմակերպության անդամներին: Միջոցառման նպատակն էր ներկայացնել Միջազգային ուսանողական ֆորումը, որ տեղի է ունենալու հուլիսի 7-17-ը Դիլիջանում:
Միջազգային ուսանողական ֆորումը «Միջազգային երիտասարդական կոալիցիա» ճամբարի շարունակությունն է, որը կազմակերպվել էր անցած երկու տարիներին Վանաձորում և Դիլիջանում: Ճամբարի ծրագրերը նպատակ ունեն երիտասարդների մոտ զարգացնել ինքնաբացահայտում, հարգանք, վստահություն, թիմային աշխատանք, շփում, և ծրագրերի կազմակերպման հմտություններ:
Ծրագրերը նախատեսված են հիմնականում այն ուսանողների համար, ովքեր հետաքրքրված են միջազգային հարաբերություններով, իրավաբանության, բիզնեսի, լրագրության, կրթության և առողջապահության հարցերով:
Հանդիպումն սկսվեց ճամբարի մասին կարճ ֆիլմի ցուցադրությամբ, որից հետո հյուրերը քննարկեցին այս տարվա ֆորումի կազմակերպման մանրամասները: Ծրագիրը ներկայացրեցին ՖԼԵՔՍ-ի շրջանավարտներ Անի Ղուկասյանը և Նորա Մինասյանը: Ավելի քան 25 ուսանողներ մասնակցեցին միջոցառմանը:
Լուսանկարներ
ՖԼԵՔՍ-ի շրջանավարտներ Անի Ղուկասյանը և Նորա Մինասյանը Միջազգային ուսանողական ֆորում ճամբարը
Միջոցառման մասնակիցները
Այլ Անկյուններում
| 24.08.2010 1:30pm | Չորս դասախոսություն Ամերիկյան Անկյունում 2010 թ.-ի օգոստոսի 24, 26, 31-ին և սեպտեմբերի 2-ին Ամերիկյան անկյունում կանցկացվի չորս դասախոսություն հետևյալ թեմաներով՝ «Ինչպես լրացնել հայտը», «Ինչպես գրել դիմումը», «Ինչպես պատրաստվել միջազգային թեսթերին (TOEFL,GRE, GMAT, SAT)», և «Ինչպես անցնել հարցազրույցը»: |
| 06.08.2010 3:00pm | Անգլերենի ուղղագրության մրցույթ 2010թ. օգոստոսի 6-ին, ժամը 15:00-ին Կապանի ամերիկյան անկյունը դպրոցականների համար կազմակերպեց ուղղագրության մրցույթ անգլերենի միջակ իմացությամբ մասնակիցների համար` Սփելինգ Բի անվանումով: |
| 05.08.2010 11:00am | Անգլերենի ուղղագրության մրցույթ սկսնակների համար 2010թ. օգոստոսի 6-ին, ժամը 11:00-ին Կապանի ամերիկյան անկյունը դպրոցականների համար կազմակերպեց անգլերենի ուղղագրության մրցույթ: |
| 08.07.2010 3:00pm | Կյանքը ԱՄՆ-ում Հուլիսի 8-ին, ժամը 15:00-ին Կապանի ամերիկյան անկյունում տեղի ունեցավ "Հայերը ամերիկյան անկյունում" շարքի հրապարակային դասախոսություն “Կյանքը ԱՄՆ-ում” թեմայով : |