Միջոցառումներ
Կալիֆորնիայի ոսկու տենդը
2:00pm 10.02.2010
2010 փետրվարի 10-ին, ԱՄՆ դեսպանության քաղաքական հարցերով պատասխանատու Դանիել Հասթինգսը, դասախոսություն վարեց Գյումրու ամերիկյան անկյունում «Կալիֆոռնիայի ոսկու տենդի» մասին: Պր-ն Հասթինգսը, նախևառաջ ներկայացրեց ինքն իրեն, այնուհետև խոսեց 1992-94 թթ Հայաստանում որպես Խաղաղության կորպուսի կամավոր իր փորձի մասին:
Այնուհետև պր-ն Հասթինգսը ներկայացրեց Կալիֆորնիայի Ոսկու տենդի պատմությունը, թե ինչպես այն սկսվեց, ինչպիսի քաղաքական և ազգագրական ազդեցություն ունեցավ այն` արևմտյան և այլ երկրներից դեպի Կալիֆորնիա մեծ գաղթի արդյունքում: Նա ներկայացրեց Ոսկու տենդի հայտնի պիոներներին` Ջոան Ավգուստ Սատտերին և Ջեյմս Մարշալին, որոնք հայտնաբերեցին ոսկին Կոլոմայում`Կալիֆոռնիա, 1848 թ-ին: Պր-ն Հասթինգսը նաև ներկայացրեց Ոսկու տենդի հայտնի գործարարներ` Ֆիլիպ Արմորին, Լիվայ Ստրաուսին և Սամուել Ստուդեբեկերին: Մասնակիցները նաև իմացան Ոսկու տենդի ամենահայտնի մարդկանցից մեկի` Սամուել Կլեմենսի մասին, որն աշխարհին ավելի հայտնի է Մարկ Տվեն անունով: Վերջապես նա խոսեց նաև Միացյալ Նահանգների վաղ հանքարդյունաբերության մասին, և թե ինչպես են մարդիկ ապրել այդ ժամանակ:
Դասախոսությունից հետո մասնակիցները տարաբնույթ հարցեր ուղղեցին պր-ն Հասթինգսին: Ավելի քան 15 մասնակիցներ տարբեր համալսարաններից, ինչպես նաև Խաղաղության կորպուսի կամավորներ ներկա էին դասախոսությանը:
Լուսանկարներ
Կալիֆորնիայի ոսկու տենդը
Այլ Անկյուններում
| 17.04.2010 1:00pm | Բիթերի գրականությունը և պոեզիան 1950-ական թվականների Ամերիկայում 2010 թ. ապրիլի 17-ին ժամը 13:00-ին հրավիրում ենք ձեզ մասնակցելու Երևանի ամերիկյան անկյան «Ամերիկացիները ամերիկյան անկյունում» շարքի հերթական դասախոսությանը: |
| 07.04.2010 2:30am | Զենքի կրման իրավունքը ԱՄՆ-ում և Հայաստանում Հարգելի բարեկամներ, 2010-ի ապրիլի 7-ին ժամը 14:30-ին հրավիրում ենք մասնակցելու Վանաձորի ամերիկյան անկյան "Ամերիկացիները ամերիկյան անկյունում" շարքի հերթական անգլերեն դասախոսությանը: |
| 27.03.2010 1:00pm | Վավերագրական ֆիլմաշար Մարտ ամսից սկսած` յուրաքանչյուր ամսվա վերջին շաբաթ օրը, ժամը 13.00- ին, Ամերիկյան անկյունը կցուցադրի “National Geographic”-ի վավերագրական ֆիլմաշար: |
| 20.03.2010 1:00pm | Իմ դիվանագիտական կարիերան 2010 թ. մարտի 20-ին ժամը 13:00-ին հրավիրում ենք ձեզ մասնակցելու Երևանի ամերիկյան անկյան «Ամերիկացիները ամերիկյան անկյունում» շարքի հերթական դասախոսությանը: |