Միջոցառումներ
ԱՄՆ դեսպանությունը նշանավորեց Գյումրու ամերիկյան անկյան հինգերորդ տարեդարձը
1:50am 02.08.2010
Հուլիսի 15-ին ՀՀ-ում ԱՄՆ դեսպանությունը նշանավորեց Գյումրու ամերիկյան անկյան գործունեության հինգերորդ տարեդարձը:
Իր բացման խոսքում ԱՄՆ դեսպանության հասարակայնության հետ կապերի բաժնի տնօրեն Քերին Ռոբլին ասաց. «Ամերիկյան անկյունները օգնում են ընդլայնել փոխըմբռնումը Հայաստանի ու Միացյալ Նահանգների միջև` վերջինիս մասին տեղեկատվությունը տարբեր ձևաչափերով Հայաստանում հասանելի դարձնելու միջոցով »:
Հյուրընկալող գրադարանի տնօրեն Գևորգ Հովհաննիսյանը ողջույնի խոսքում բարձր գնահատեց ԱՄՆ դեսպանատան հետ 5-ամյա հաջող համագործակցությունը:
Այս ուրախ առիթով ԱՄՆ դեսպանատունը Ամերիկյան անկյանը նվիրեց երկու նոր համակարգիչ և ավելի քան 100 անգլերենի քերականության ձեռնարկներ և գեղարվեստական գրքեր, ինչպես նաև դասագրքեր և թեսթերի գրքեր:
Հայաստանում «Ամերիկյան անկյուններ» ծրագիրը պաշտոնապես սկսվել է 2005թ-ի ապրիլին, երբ ԱՄՆ դեսպանությունը հիմնադրեց առաջին անկյունը Երևանում: ԱՄՆ դեսպանության հասարակայնության հետ կապերի բաժինը և Նորամուծությունների և ձեռներեցության ազգային կենտրոնը համագործակցում են հզորացնելու ծրագիրը և հարստացնելու առաջարկվող ծառայությունների ցանկը: Անցած տարիների ընթացքում ավելի քան 28 հազար մարդ է այցելել Գյումրու ամերիկյան անկյուն, որոնք այստեղ ընթերցել են հազարավոր գրքեր և հանդեսներ, մասնակցել հանրային դասախոսությունների, սեմինարների, ակումբային հանդիպումների և անգլերենի դասերի, որոնք վարում են ԱՄՆ Խաղաղության կորպուսի կամավորները:
Պաշտոնական արարողությունից հետո ավելի քան 70 հրավիրվածներ վայելեցին ամերիկյան անկյան երեխաների ակումբի պատրաստած «Երեք արջերի հեքիաթը» ներկայացումը, որը բեմադրել էր ԱՄՆ Խաղաղության կորպուսի կամավոր Էլիզաբեթ Ալլենը: Գյումրում գործող բոլոր երեք հեռուստաալիքները՝ Ցայգ, ԳԱԼԱ, Շանթ լուսաբանեցին միջոցառումը: Հրավիրվածների մեջ էին նաև տեղի համալսարանների ռեկտորներ, պրոռեկտորներ, ուսանողներ և ԱՄՆ կառավարության կրթական և փոխանակային ծրագրերի շրջանավարտներ:
Գործունեության հինգ տարիների ընթացքում ամերիկյան անկյունը Գյումրիում ամերիկյան ուսումնասիրությունների և անգլերեն լեզվի կենտրոնի համբավ է ձեռք բերել: Անկյունը ուսանողների համար հաճելի վայր է դարձել միմյանց հետ շփվելու, ինտերնետից օգտվելու, ինչպես նաև Միացյալ Նահանգների մասին տեղեկատվություն ստանալու համար:
Լուսանկարներ
ԱՄՆ դեսպանությունը նշանավորեց Գյումրու ամերիկյան անկյան հինգերորդ տարեդարձը
ԱՄՆ դեսպանությունը նշանավորեց Գյումրու ամերիկյան անկյան հինգերորդ տարեդարձը
ԱՄՆ դեսպանությունը նշանավորեց Գյումրու ամերիկյան անկյան հինգերորդ տարեդարձը
Այլ Անկյուններում
| 18.02.2012 1:00pm | Բուսակերությունը Միացյալ Նահանգներում Շաբաթ, փետրվարի 18-ին ժամը 13:00-ին հրավիրում ենք մասնակցելու Երևանի ամերիկյան անկյան «Ամերիկացիները ամերիկյան անկյունում» շարքի հերթական դասախոսությանը: |
| 01.02.2012 1:00pm | Կքաղես փոթորիկ Հարգելի բարեկամներ, Փետրվարի 1-ին ժամը 13:00-ին հրավիրում ենք մասնակցելու Սթենլի Կրամերի ''Կքաղես փոթորիկ'' ֆիլմի դիտւմ-քննարկմանը: |
| 17.12.2011 1:00pm | Միացյալ Նահանգների Ազգային արգելոցները Շաբաթ, դեկտեմբերի 17-ին Երևանի ամերիկյան անկյունը հյուրընկալեց «Ամերիկացիները ամերիկյան անկյունում» շարքի հերթական դասախոսությունը: |
| 16.12.2011 3:00pm | Գլխարկով կատուն 2011-ի դեկտեմբերի 9-ին Կապանի ամերիկյան անկյունում տեղի ունեցավ ՛՛ Գլխարկով կատուն՛՛ գրքի ընթերցանություն և հեռուստատեսային դասականի ցուցադրություն: |